አልወድሽም

አልወድሽም እንጂ ባለፈው እንዳልኩሽ
አልወድሽም እንጂ እኔ ከወደድኩሽ
እኔ ያንቺ እያለሁ አንቺ የኔ እያለሽ
ሲኦል ነው መድረሻው አፈቀርኩሽ ያለሽ
እንኳንስ ሊነኩት ቢያዩት ያንቺን ገላ
አለቀለት በቃ ሃገሩ በሙላ::
አልወድሽም እንጂ
ምን ብየ ልንገርሽ በየትኛው ቋንቋ
የኛ መከፋት ነው የዚች አለም ጭንቋ
ደስታችን ክብሯ ነው ፍቅራችን መልህቋ::
ምዬ ተገዝቼ ነግሬሽም የለ
ላንቺ ያልኩት ፍቅር በልቤ ውስጥ ካለ
ደመና ላይ ሆነን ኮከብ እንቆጥራለን
ውቅያኖስ አንጥፈን ግብር እንጠራለን
ከፀሃይ የሚልቅ ብርሃን እንፈጥራለን
ሲያሻን ተረማምደን ሲያሻን እንበራለን::
አልወድሽም እንጂ እኔ ከወደድኩሽ
ያው እንደነገርኩሽ
ከቤታችን ጓዳ ሰላም የማይጠፋ
ክርና መርፌ ነን ፍቅርን የምንሰፋ
ኮከብና ሰማይ ቀለምና ሸራ
በቃል ተዋህደን ውበት የምንዘራ
ምን አባቴን ላርግሽ
እውነቱን ስነግርሽ
አልወድሽም እንጂ እኔ ከወደድኩሽ
አእዋፋት ከዱራቸው ዜማ ይደርሳሉ
ከዋክብት ከሰማይ ቁልቁል ይወርዳሉ
እንስሳቱ ሁሉ እኛን ይከባሉ
ሌሊት በጨለማ ይደምቃል ሰማዩ
እኛን ሲያይ ይውላል ሰው ያለጉዳዩ ::
አልወድሽም እንጂ ድንገት ከወደድኩሽ
ደጋግሜ እንዳልኩሽ
ሁሉን እንሆናለን የማንችለው የለም
እኔ ከወደድኩሽ ትሞላለች አለም::

Comments

በጧት የሚላኩ የፍቅር መልዕክቶች

ሁሌ በጥዋት ለፍቅር አጋርህ መልዕክት ብትልክላት የፍቅር ህይወትህን የበለጠ ያጣፍጠዋል፡፡ እንደምትወዳት እና የተለየች ሴት እንደሆነች እንዲሰማት ያደርጋል፡፡ ቀኗን ብሩህ ለማድረግ ከእነዚህ መል ዕክቶች የወደድከውን Copy Paste አድርገህ ላክላት፡፡ የኔ ፍቅር እንኳን አዲስ ቀን በህይወትሽ ተጨመረልሽ፡፡ አፈቅርሻለሁ እሺ፡፡ መልካም ቀን ይሁንልሽ፡፡ እየሰመጠ ያለ ሰው አየርን የሚወደውን ያህል እወድሻለሁ፡፡ ደስ የሚል ቀን ይሁንልሽ የኔ ውድ አንቺ ፊልም ብትሆኚ ብዙ ጊዜ ደጋግሜ አይሽ ነበር፡፡ ትክክለኛዋን ሴት ለማግኘት ብዙ ታግሻለሁ፡፡ በመጨረሻም ትዕግስቴ ፍሬ አፍርቶ አንቺን አግኝቻለሁ፡፡ ባየሁሽ ቁጥር እንደገና ፍቅር ይይዘኛል፡፡ አንቺ ለኔ ልዩ ሴት ነሽ፡፡ የአለማችን ቆንጅዬዋ ሴት እንዴት አደረች? በጧት ደስ የሚሉ ሀሳቦችን ማሰብ ቀኑን በደስታ ለማሳለፍ ወሳኝ ነው፡፡ ሁል ቀን ደስ ብሎኝ የምውለው አንቺን ስለማስብሽ ነው፡: ተደሰቺ ስለአንቺ ለሚጨነቅ ሰው መልዕክት ደርሶሻል፡፡ አንቺን ከማሰብ ጋር ፍቅር ይዞኛል ሁሉም ሰው ህይወትሽን እንደ ፀሃይ ማብራት ይፈልጋል፡፡ እኔ ግን ጨረቃ መሆንን እመርጣለሁ፡፡ ፀሃይ የማይኖር ጊዜ ህይወትሽ ሲጨልም አበራልሻለሁ፡: ...

እንደምትወድህ እንዴት ታውቃለህ?

ብዙ ትንንሽ ነገሮችን አስባልህ ታደርጋለች ማንኛውም ሰው (ወንድም ሆነ ሴት) ለማንም እንዲሁ አስቦ ብዙ ውለታ አይውልም። አንዲት ሴት ሁል ጊዜ ትንንሽ መልካም ነገሮች የምታደርግህ ከሆነ እንደምታስብልህ ካንተ ጋር በፍቅር ወድቃ እንደሆነ መጠረጠር አለብህ። የሰራችልህን ዉለታ ሆነ የሰጠችህን ስጦታ አሳንሰህ አትመልከት። ዋናው ሀሳቡ ነው። አንተን ለማስደሰት ያን ያህል ከተጨነቀች በቃ ትወድሃለች ማለት ነው። ታሳድድሃለች የማማለል ጥበብ የሚያስተምረህ እንዴት ሴቶች እንዲያሳድዱህ ማድረግ ትችላለህ የሚለውን ነው። እንድታሳድድህ የማድረጊያ አንዱ መንገድ ደግሞ ካንተ ጋር በፍቅር እንድትወድቅ ማድረግ ነው። ከወደደችህ አንተን እንዳታሳድድህ የሚያደርጋት ነገር እምብዛም ነው። ሴቶች በተፈጥሮአቸው ለአላማ ፅኑዎች ናቸው። የምትፈልገው እንዳንተ አይነት ሰው እንደሆነ በቃልም በድርጊት ከነገረችህ እንደምትወድህ የምታውቅበት ግልፅ መንገድ ነው። ሴቶች ያልወደዱትን ወንድ በግልፅ አያሳድዱትም። ትነግርሃለች ወንዶች ሳይወዱ እወድሻለሁ ሊሉ ይችላሉ። ነገር ግን ሴት ልጅ እወድሃለሁ ካለች እውነቷን እንደሆነ እወቅ። በቃ እመናት ጊዜ እንድትሰጣት ትፈልጋለች ጊዜህን በጣም በጣም ትፈልጋለች። ምናልባት ከስራ መልስ ቤትህ መጥታ እራት ልስራ ትላለች። ምናልባትም በምሳ እረፍቷ ቡና አብረሃት እንድትጠጣ ትጠራሃለች። ብቻ እንዴት ሆነ እንዴት ካንተ ጋር ጊዜ ማሳለፍ ከፈለገች ትወድሃለች ማለት ነው። ጓደኞቿ ስላንተ በጣም ያውቃሉ። ጓደኞቿ መስማት ቢፈልጉም ባይፈልጉም ሁሌ ስላንተ ታወራላቸዋለች። ታደንቅሃለች በሙገሳ በ...

መንጋጋ ቆልፍ(Tetanus)

መግቢያ መንጋጋ ቆልፍ በባክቴሪያ መርዝ(toxin) የሚከሰት አደገኛ በሽታ ሲሆን የነርቭ ስርዓትን በመጉዳት ጡንቻዎች ከሚገባው በላይ እንዲኮማተሩ በማድረግ የህመም ስሜት እንዲፈጠር ያደርጋል። አብዛኛውን ጊዜ በበሽታው የሚጠቁት የአንገት እና የመንጋጋ ጡንቻዎች ናቸው። ከዚህ የተነሳ አተነፋፈስ ላይ ችግር ስለሚያመጣ ለሞት ሊዳርግ ይችላል። የመንጋጋ ቆልፍ ክትባት ከተገኘለት በኋላ ባደጉ ሀገራት በእጅጉ የቀነሰ ሲሆን እንደ እኛ ሀገር በማደግ ላይ ባሉ ሀገራት ግን ተንሰራፍቶ ይገኛል። ለመንጋጋ ቆልፍ በሽታ ፈውስ የለም። የበሽታው ህክምና ትኩረት የሚሆነው የቴታነስ መርዝ ሰውነት ላይ ሊያስከትላቸው የሚችላቸውን ጉዳቶች በመቀነስ ላይ ነው። የበሽታው ምልክቶች የመንጋጋ ቆልፍ አምጪ ባክቴሪያ በሰውነታችን ላይ ባለ ቁስል ወደ ውስጥ ከገባ በኋላ ባሉት በጥቂት ቀናት ወይም ከበርካታ ሳምንታት በኋላ የበሽታው ምልክቶች ሊታዩ ይችላሉ። በአማካይ ግን አስር ቀን ውስጥ የበሽታው ምልክቶች ይታያሉ። በመንጋጋ ቆልፍ(Tetanus) የተጠቃ ህፃን በብዛት የሚስተዋሉ የመንጋጋ ቆልፍ ምልክቶች የመንጋጋ ጡንቻዎች መገታተር የአንገት ጡንቻዎች መገታተር ለመዋጥ መቸገር የሆድ ጡንቻዎች መገታተር የህመም ስሜት ያለው የጡንቻዎች መወጣጠር ( በብርሃን፣በከፍተኛ ድምፅ፣በንክኪ) ሊቀሰቀስ ይችላል። ሌሎች ሊኖሩ የሚችሉ ምልክቶች ትኩሳት ላብ የደም ግፊት መጨመር የልብ ምት መጨመር መንስኤ ...

የዶ/ር አምሳሉ ሀሳቦች

Search This Blog